കൊച്ചി: സ്വര്‍ണക്കടത്ത് കേസ് പ്രതി സ്വപ്‌ന സുരേഷിന്റെ ആരോപണങ്ങളിൽ പരിശോധനയ്‌ക്ക് നീക്കവുമായി കേന്ദ്ര ഏജന്‍സികള്‍. ഇഡി കസ്‌റ്റഡിയിലിരിക്കെ പുറത്തുവന്ന ശബ്‌ദസന്ദേശം ആസൂത്രിതമെന്ന വാദത്തിന് പിന്നാലെയാണ് നടപടി. സ്വപ്‌നയുടെ തുറന്നു പറച്ചിൽ ഇഡി ഹൈക്കോടതിയെ അറിയിക്കും.
നേരത്തെ കസ്‌റ്റഡിയിലിരിക്കെ പുറത്തുവന്ന ഓഡിയോ ശിവശങ്കറിന്റെ തിരക്കഥയാണെന്നും നിര്‍ദ്ദേശം അനുസരിക്കുക മാത്രമാണ് താൻ ചെയ്‌തതെന്നും സ്വപ്‌ന വ്യക്‌തമാക്കിയിരുന്നു. കേസന്വേഷണത്തിനിടെ ഈ ശബ്‌ദരേഖ വലിയ വിവാദമായിരുന്നു.
ഡോളര്‍-സ്വര്‍ണ്ണക്കടത്ത് കേസുകളില്‍ എന്‍ഐഎ വന്നത് ശിവശങ്കറിന്റെ ബുദ്ധിയാണെന്നും സ്വപ്‌ന വെളിപ്പെടുത്തിയിരുന്നു. വിശ്വസനീയമായ ഉറവിടമാണ് ഈ വിവരം തന്നോട് പറഞ്ഞത്.
തന്നെ തീവ്രവാദക്കേസില്‍ പെടുത്തി ദീര്‍ഘകാലം ജാമ്യം കിട്ടാതിരിക്കാന്‍ നടത്തിയ ഗൂഢനീക്കമായിരുന്നു അത്. താന്‍ ഒരു കാര്യവും അന്വഷണ ഏജന്‍സിയോട് വെളിപ്പെടുത്തിയിരുന്നില്ല, എന്നാൽ അവർ തെളിവ് കാണിച്ചപ്പോൾ ചിലത് അംഗീകരിക്കേണ്ടി വന്നെന്നും സ്വപ്‌ന പറഞ്ഞിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
