സോപ്പ് ഉപയോഗിച്ച് മുഖം കഴുകുന്നവരാണോ നിങ്ങൾ? എന്നാൽ ഇത് ദോഷം ചെയ്യും
മുഖത്ത് സോപ്പ് ഉപയോഗിക്കുന്നത് ദോഷം ചെയ്യുമെന്നാണ് വിദഗ്‌ധർ ചൂണ്ടിക്കാട്ടുന്നത്. സോപ്പുകൾ ഉപയോഗിക്കുന്നത് മുഖത്തെ പ്രകൃതിദത്ത എണ്ണകൾ നീക്കം ചെയ്യുകയും ചർമത്തിലെ മൈക്രോബയോട്ടയുടെ അതിലോലമായ സന്തുലിതാവസ്‌ഥയിൽ മാറ്റം വരുത്തുകയും ചെയ്യും. മാത്രമല്ല, വരൾച്ച, വിണ്ടുകീറൽ എന്നിവയ്‌ക്കും കാരണമാകുന്നുണ്ടെന്ന് വിദഗ്‌ധർ പറയുന്നു.
സോപ്പ് ഉപയോഗിച്ചാണോ നിങ്ങൾ മുഖം കഴുകാറുള്ളത്? ഭൂരിഭാഗം പേരുടെയും ഉത്തരം അതേ എന്നായിരിക്കും. എന്നാൽ, മുഖത്ത് ശരിക്കും സോപ്പ് ഉപയോഗിക്കാമോ? മുഖത്ത് സോപ്പ് ഉപയോഗിക്കുന്നത് ദോഷം ചെയ്യുമെന്നാണ് വിദഗ്‌ധർ ചൂണ്ടിക്കാട്ടുന്നത്. സോപ്പുകൾ ഉപയോഗിക്കുന്നത് മുഖത്തെ പ്രകൃതിദത്ത എണ്ണകൾ നീക്കം ചെയ്യുകയും ചർമത്തിലെ മൈക്രോബയോട്ടയുടെ അതിലോലമായ സന്തുലിതാവസ്‌ഥയിൽ മാറ്റം വരുത്തുകയും ചെയ്യും.
മാത്രമല്ല, വരൾച്ച, വിണ്ടുകീറൽ എന്നിവയ്‌ക്കും കാരണമാകുന്നുണ്ടെന്ന് വിദഗ്‌ധർ പറയുന്നു. സോപ്പ് ചർമത്തിൽ നിന്ന് മാലിന്യങ്ങളും മേക്കപ്പിന്റെ അംശങ്ങളും നീക്കം ചെയ്യില്ല എന്നും വിദഗ്‌ധർ ചൂണ്ടിക്കാട്ടുന്നു. സോപ്പിൽ അടങ്ങിയിട്ടുള്ള രാസവസ്‌തുക്കൾ മൂലമാണ് സോപ്പ് ചർമത്തിന് നല്ലതല്ലെന്ന് പറയുന്നത്. സോപ്പ് ഉപയോഗിച്ച് മുഖം വൃത്തിയാക്കുന്നതിന്റെ പാർശ്വഫലങ്ങൾ നോക്കാം.
1. സോപ്പ് ഉപയോഗിച്ച് മുഖം കഴുകുന്നത് സുഷിരങ്ങൾ അടയുകയും മുഖക്കുരുവിന് കാരണമാവുകയും ചെയ്യും. ചർമത്തിൽ എണ്ണ, അണുക്കൾ എന്നിവയുടെ സാന്നിധ്യം നിലനിൽക്കും. ഇതിന്റെ ഫലമായി ബ്ളാക്ക് ഹെഡ്, വൈറ്റ് ഹെഡ്, മുഖക്കുരു എന്നിവ ഉണ്ടാകുന്നു.
2. മിക്ക സോപ്പുകളിലും ചർമത്തിന്റെ സ്വാഭാവിക എണ്ണകൾ ഇല്ലാതാക്കാൻ ശേഷിയുള്ള കഠിനമായ രാസവസ്‌തുക്കൾ അടങ്ങിയിട്ടുണ്ട്. ഇത് വരൾച്ചയ്‌ക്ക് കാരണമാകുന്നു. സെൻസിറ്റീവ് ത്വക്ക് അല്ലെങ്കിൽ എക്‌സിമ അല്ലെങ്കിൽ സോറിയാസിസ് പോലുള്ള മുൻകാല ത്വക്ക് തകരാറുകൾ ആളുകൾക്ക് ഇത് പ്രത്യേകിച്ച് പ്രശ്‌നം ഉണ്ടാക്കാം.
3. ചർമത്തിന്റെ പിഎച്ച് നില ആരോഗ്യം നിലനിർത്തുന്നതിനും ബാഹ്യപ്രകോപനങ്ങളിൽ നിന്ന് സംരക്ഷിക്കുന്നതിനും പ്രധാനമാണ്. സോപ്പിന് ഏകദേശം 9-10 ആൽക്കലൈൻ PH ഉണ്ട്. പതിവായി സോപ്പ് ഉപയോഗിച്ച് മുഖം കഴുകുന്നത് ചർമത്തിന്റെ പിഎച്ച് ബാലൻസ് തകരാറിലാക്കും. അതിന്റെ ഫലമായി വരൾച്ച, ചർമം വിണ്ടുകീറൽ എന്നിവ ഉണ്ടാകും.
Rep. Image
4. സോപ്പിലെ കഠിനമായ രാസവസ്‌തുക്കൾ ചർമത്തിന്റെ സ്വാഭാവിക തടസത്തെ ദോഷകരമായി ബാധിക്കും. ഇത് അതിവേഗത്തിലുള്ള വാർധക്യത്തിന് കാരണമാകുന്നു. ഇത് ചർമം മങ്ങിയതും വരണ്ടതും ചുളിവുള്ളതുമായി കാണാനും യഥാർഥ പ്രായത്തേക്കാൾ അധികമായി തോന്നിക്കാനും കാരണമാകും.
5. ചില സോപ്പുകളിൽ അടങ്ങിയിട്ടുള്ള സുഗന്ധ ദ്രവ്യങ്ങളും പ്രിസർവേറ്റീവുകളും ചർമത്തിൽ ചുളിവുകൾ ഉണ്ടാക്കാം. ഇത് ചർമത്തിൽ ചുവപ്പ്, വീക്കം എന്നിവക്ക് കാരണമാകും.
(ഓർക്കുക:ആരോഗ്യ സംബന്ധമായ വാർത്തകളിൽ പറയുന്ന കാര്യങ്ങൾ അംഗീകൃത ആരോഗ്യ വിദഗ്‌ധരുടെ അഭിപ്രായം തേടാതെ സ്വയം ചെയ്യാൻ പാടുള്ളതല്ല.)
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
