കരിപ്പൂരിൽ ഈ മാസം 15 മുതൽ റൺവേ ഭാഗികമായി അടക്കും; നിയന്ത്രണം ആറുമാസത്തേക്ക്
രാവിലെ 10 മുതൽ വൈകിട്ട് ആറുവരെ അടുത്ത ആറ് മാസത്തേക്ക് റൺവേ അടച്ചിടും. ഈ പശ്‌ചാത്തലത്തിൽ പകൽ സമയങ്ങളിലെ ഷെഡ്യൂളുകൾ പുനഃക്രമീകരിക്കും. സമയം സംബന്ധിച്ച കൂടുതൽ വിവരങ്ങൾക്കായി യാത്രക്കാർ അതാത് എയർലൈൻസുമായി ബന്ധപ്പെടണമെന്ന് കരിപ്പൂർ വിമാനത്താവള ഡയറക്‌ടർ അറിയിച്ചു.
കോഴിക്കോട്: കരിപ്പൂർ വിമാനത്താവളത്തിൽ റൺവേ ബലപ്പെടുത്തലിന്റെ ഭാഗമായി ആറ് മാസത്തേക്ക് സർവീസുകൾ പുനഃക്രമീകരിക്കാൻ തീരുമാനം. ഈ മാസം 15 മുതൽ റൺവേ ഭാഗികമായി അടച്ചിടാനാണ് തീരുമാനം. രാവിലെ 10 മണി മുതൽ വൈകിട്ട് ആറുവരെയാണ് അടുത്ത ആറ് മാസത്തേക്ക് റൺവേ അടച്ചിടുക.
ഈ പശ്‌ചാത്തലത്തിലാണ്‌ പകൽ സമയങ്ങളിലെ ഷെഡ്യൂളുകൾ പുനഃക്രമീകരിക്കുന്നത്. പുനഃക്രമീകരണം സംബന്ധിച്ച വിവരങ്ങൾക്കായി യാത്രക്കാർ അതാത് എയർലൈൻസുമായി ബന്ധപ്പെടണമെന്നാണ് കരിപ്പൂർ ഡയറക്‌ടർ അറിയിച്ചിരിക്കുന്നത്. നിലവിൽ ഈ സമയത്ത് ഓരോ ആഭ്യന്തര, അന്താരാഷ്‌ട്ര സർവീസുകൾ മാത്രമാണ് ഉള്ളത്.
10.50ന് കരിപ്പൂരിൽ നിന്ന് പുറപ്പെടുന്ന എയർ ഇന്ത്യ ഡെൽഹി സർവീസിന്റെ സമയം മാറ്റിയിട്ടുണ്ട്. ആഴ്‌ചയിൽ ആറ് ദിവസമാണ് ഈ സർവീസ് ഉള്ളത്. ജനുവരി 14 മുതൽ ഈ സർവീസ് ശനി, തിങ്കൾ, ബുധൻ ദിവസങ്ങളിൽ 9.30നും ഞായർ, ചൊവ്വ ദിവസങ്ങളിൽ 8.55നുമാകും ഈ വിമാനം കരിപ്പൂരിൽ നിന്ന് പുറപ്പെടുക.
സലാം എയറിന്റെ സലാല സർവീസിനും സമയ മാറ്റമുണ്ട്. 4.40ന് സലാലയിൽ നിന്ന് പുറപ്പെട്ട് 10.15ന് കരിപ്പൂരിൽ എത്തേണ്ട വിമാനം ജനുവരി 17 മുതൽ 2.35ന് ആകും പുറപ്പെടുക. ഈ വിമാനം 8.10ന് കരിപ്പൂരിലെത്തി 8.55ന് മടങ്ങും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
