തിരുവനന്തപുരം: ലയന ശ്രമങ്ങൾ പുരോഗമിക്കവേ ജെഡിഎസിലെ വിമത നീക്കത്തിന് തടയിട്ട് സികെ നാണു എംഎൽഎ. ലയനത്തിന് മുൻപ് ഇടഞ്ഞു നിൽക്കുന്നവരെ അനുനയിപ്പിക്കുമെന്ന് സികെ നാണു പറഞ്ഞു. പാർട്ടിക്കുള്ളിൽ ചില പ്രശ്നങ്ങളുണ്ടെന്നും അദ്ദേഹം നേതൃകൺവെൻഷന് ശേഷം പറഞ്ഞു. മന്ത്രി കെ കൃഷ്ണൻകുട്ടിയും പങ്കെടുത്തു.
അധ്യക്ഷപദം ഒഴിഞ്ഞ ശേഷം ഇടഞ്ഞുനിന്നിരുന്ന സികെ നാണു പാര്ട്ടി യോഗത്തില് സംബന്ധിക്കുന്നത് ഇതാദ്യമാണ്. മന്ത്രി കൃഷ്ണൻകുട്ടി ഇടപെട്ടാണ് സികെ നാണുവിനെ യോഗത്തിൽ പങ്കെടുപ്പിച്ചത്. ലയിച്ചാലും വടകരയിലെ സീറ്റ് എൽജെഡിക്ക് വിട്ടുകൊടുക്കാൻ കഴിയില്ലെന്നാണ് ജെഡിഎസിന്റെ നിലപാട്. എൽജെഡി-ജെഡിഎസ് ലയനം ഈ മാസം തന്നെ നടന്നേക്കും. എന്നാൽ ലയനശേഷം വടകര സീറ്റുമായി ബന്ധപ്പെട്ടുള്ള ചർച്ചകൾ വലിയ തർക്കങ്ങൾക്കായിരിക്കും വഴിവെക്കുക.
Read Also: കെഎസ്ആര്ടിസി അഴിമതി ആരോപണം; കെഎം ശ്രീകുമാറിനെ സ്ഥലംമാറ്റി