തിരുവനന്തപുരം: നിയമസഭാ തിരഞ്ഞെടുപ്പ് പ്രചാരണം അവസാന ഘട്ടത്തിലേക്ക് കടക്കുന്നതിനിടെ സിപിഐഎം സംസ്ഥാന സെക്രട്ടറിയേറ്റ് യോഗം ഇന്ന് ചേരും. പ്രചാരണ പ്രവർത്തനങ്ങൾ വിലയിരുത്താനാണ് യോഗം ചേരുന്നത്. ഓരോ മണ്ഡലത്തിലെയും വിജയസാധ്യതയും പ്രവർത്തനങ്ങളിലെ പോരായ്മയും സെക്രട്ടറിയേറ്റ് യോഗം വിലയിരുത്തും.
സർക്കാരിന് എതിരെ ഉയർന്നുവരുന്ന ആരോപണങ്ങളെ പ്രതിരോധിക്കാനുള്ള തന്ത്രങ്ങളും യോഗത്തിൽ ചർച്ചയാകും. ആഴക്കടൽ മൽസ്യബന്ധന വിവാദം സർക്കാരിനെ വീണ്ടും പ്രതിസന്ധിയിലാക്കുന്ന സാഹചര്യത്തിൽ കൂടിയാണ് സെക്രട്ടറിയേറ്റ് യോഗം ചേരുന്നത്. കിറ്റ് വിവാദം അനുകൂലമാക്കി മാറ്റിയെടുക്കുന്നതിനുള്ള തന്ത്രങ്ങൾക്കും രൂപം നൽകും. മുഖ്യമന്ത്രി പിണറായി വിജയനും സെക്രട്ടറിയേറ്റ് യോഗത്തിൽ പങ്കെടുക്കും.
Read also: വടകരയിൽ വൻ എടിഎം തട്ടിപ്പ്; 1,85,000 രൂപ നഷ്ടമായതായി പരാതി