ന്യൂഡെൽഹി: മൊബൈൽ ടെലികോം കമ്പനികൾ സർക്കാരിനു നൽകാനുള്ള വിവിധ ഫീസുകൾക്ക് 4 വർഷം സാവകാശം നൽകാമെന്ന വാഗ്‌ദാനം വോഡഫോൺ ഐഡിയക്ക് പിന്നാലെ എയർടെലും സ്വീകരിച്ചു. മൊത്തവരുമാനം അടിസ്‌ഥാനമാക്കിയുള്ള ഫീസും, സ്‌പെക്‌ട്രം ഫീസുമാണ് ഇതിൽ ഉൾപ്പെടുന്നത്.
ടെലികോം രംഗത്തെ സാമ്പത്തിക പ്രതിസന്ധി പരിഹരിക്കാൻ ഈയിടെ പ്രഖ്യാപിച്ച ആനുകൂല്യങ്ങൾ വേണമോയെന്ന് അറിയിക്കാൻ കമ്പനികൾക്ക് സർക്കാർ 29 വരെയാണ് സമയം അനുവദിച്ചിരിക്കുന്നത്. ഈ ആനുകൂല്യം സ്വീകരിക്കാനാണ് എയർടെല്ലിന്റെ തീരുമാനം.
നേരത്തെ ഭാരതി എയർടെൽ ചെയർമാൻ സുനിൽ മിത്തൽ കമ്പനി പേയ്‌മെന്റ് മൊറട്ടോറിയം തിരഞ്ഞെടുക്കുമെന്നും, നെറ്റ്‌വർക്ക് സർവീസുകളുടെ അടിസ്‌ഥാന സൗകര്യം വികസിപ്പിക്കുന്നതിനായി പണമൊഴുക്ക് വഴിതിരിച്ചു വിടുമെന്നും പറഞ്ഞിരുന്നു.
മൊറട്ടോറിയം സ്വീകരിക്കുന്നത് വഴി 40,000 കോടി രൂപയുടെ ബാധ്യത നാല് വർഷത്തേക്ക് നീട്ടി ലഭിക്കുമെന്നും, ഈ തുക വിപണിയിലെ മറ്റ് സുപ്രധാന ആവശ്യങ്ങൾ നിറവേറ്റാൻ ഉപകരിക്കുമെന്നും അദ്ദേഹം വ്യക്‌തമാക്കിയിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
