തിരുവനന്തപുരം: മരണവീട്ടിൽ കയറി പോലീസ് അതിക്രമം കാണിച്ചതായി പരാതി. നെയ്യാറ്റിൻകര പെരുമ്പഴുതൂർ സ്വദേശി മധുവിന്റെ വീട്ടിലെത്തി പോലീസ് അതിക്രമം കാണിച്ചതായാണ് പരാതി ഉയർന്നിരിക്കുന്നത്.
നെയ്യാറ്റിൻകരയിലെ ഒരു ക്ഷേത്രത്തിലെ ഘോഷയാത്ര കടന്ന് പോകുന്നതിനിടെ മധുവും മകൻ അരവിന്ദും പോലീസും തമ്മിൽ വാക്കേറ്റമുണ്ടായിരുന്നു. ഇവരെ പിടിക്കാനായി മധുവിന്റെ ഭാര്യ വീട്ടിൽ കയറി പോലീസ് അതിക്രമം കാണിച്ചുവെന്നാണ് പരാതി.
രണ്ട് ദിവസം മുൻപായിരുന്നു മധുവിന്റെ ഭാര്യയുടെ അമ്മ മരണപ്പെട്ടത്. അതിനാൽ മധുവും കുടുംബവും ഈ വീട്ടിലാണ് ഉണ്ടായിരുന്നത്. അരവിന്ദിനെ കസ്‌റ്റഡിയിലെടുത്താണ് പോലീസ് സംഘം മടങ്ങിയത്.
അതേസമയം വീട്ടിനുള്ളിൽ അതിക്രമം കാണിച്ചെന്ന ആരോപണം നിഷേധിച്ച് നെയ്യാറ്റിൻകര ഡിവൈഎസ്‌പി രംഗത്തെത്തി. പോലീസ് ഉദ്യോഗസ്‌ഥരെ അക്രമിക്കുകയും കല്ലെടുത്ത് തലയ്‌ക്ക് അടിക്കുകയും ചെയ്‌ത കേസിലെ പ്രതിയാണ് അരവിന്ദെന്നും ഇയാളുടെ ആക്രമണത്തിൽ രണ്ട് പോലീസുകാർക്ക് പരിക്കേറ്റതാണെന്നും ഡിവൈഎസ്‌പി പറഞ്ഞു.
കൂടാതെ പിടികൂടാനെത്തിയ പോലീസുകാരെ കണ്ട് വീട്ടിൽ കയറി ഒളിച്ച പ്രതിയെ നാട്ടുകാരുടെ സാന്നിധ്യത്തിൽ അറസ്‌റ്റ് ചെയ്യുകയാണ് പോലീസ് ചെയ്‌തതെന്നും അദ്ദേഹം പറയുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
