പാനൂർ: യൂത്ത് ലീഗ് പ്രവർത്തകൻ മൻസൂറിന്റെ മരണം രാഷ്ട്രീയമായി ഉപയോഗിക്കാനാണ് യുഡിഎഫ് ശ്രമമെങ്കിൽ രാഷ്ട്രീയമായി തന്നെ നേരിടുമെന്ന് എൽഡിഎഫ്. തിരഞ്ഞെടുപ്പ് പ്രഖ്യാപിച്ചത് മുതൽ കൂത്തുപറമ്പ് മണ്ഡലത്തിലുടനീളം ലീഗ് അക്രമം നടത്തി. കള്ളവോട്ട് ചെയ്യാൻ ശ്രമിക്കുന്നതിന് ഇടയിൽ എലാങ്കോട്ടും പുത്തൂരുമായി രണ്ട് ലീഗുകാർ പിടിക്കപ്പെട്ടു, എൽഡിഎഫ് നേതാക്കൾ വാർത്താ സമ്മേളത്തിൽ പറഞ്ഞു.
മേഖലയിൽ കലാപം സൃഷ്ടിക്കാനുള്ള ലീഗ് നീക്കങ്ങൾക്കെതിരെ എൽഡിഎഫ് കൂത്തുപറമ്പ് മണ്ഡലം കമ്മിറ്റിയുടെ നേതൃത്വത്തിൽ സമാധാന സന്ദേശയാത്ര നടത്തും. തിങ്കളാഴ്ച ഉച്ചക്ക് രണ്ടരക്ക് കടവത്തൂരിൽനിന്ന് ആരംഭിക്കുന്ന യാത്ര സിപിഎം ജില്ലാ സെക്രട്ടറി എംവി ജയരാജൻ ഉൽഘാടനം ചെയ്യും. വൈകീട്ട് അഞ്ചരയോടെ പെരിങ്ങത്തൂരിൽ സമാപിക്കും. കേന്ദ്ര കമ്മിറ്റി അംഗം ഇപി ജയരാജൻ സമാപന സമ്മേളനം ഉൽഘാടനം ചെയ്യും.
Read also: ജലീലിനെ തുടരാന് അനുവദിക്കുന്നത് ജനാധിപത്യ വാഴ്ചയോടുള്ള വെല്ലുവിളി; ചെന്നിത്തല