വയനാട്: തൊണ്ടർനാട് പോലീസ് സ്‌റ്റേഷൻ പരിധിയിലെ പെരിഞ്ചേർമല ആദിവാസി കോളനിയിൽ നാലംഗ സായുധ മാവോയിസ്‌റ്റ് സംഘമെത്തിയതായി കോളനി വാസികൾ. രണ്ട് സ്‌ത്രീകളും, രണ്ട് പുരുഷൻമാരും അടങ്ങുന്ന സംഘമാണ് രാത്രി 8 മണിയോടെ എത്തിയതെന്ന് കോളനിയിൽ താമസിക്കുന്നവർ പറയുന്നു. ഇവിടെയുള്ള 2 വീടുകളിൽ കയറിയ മാവോയിസ്‌റ്റുകൾ മുദ്രാവാക്യം വിളിക്കുകയും ലഘുലേഖകൾ കൊടുക്കുകയും ചെയ്‌തു.
പരിസരത്തെ ഇലക്‌ട്രിക്‌ പോസ്‌റ്റുകളിൽ ഉൾപ്പെടെ പോസ്‌റ്ററുകൾ പതിച്ച ശേഷം സംഘം കാട്ടിലേക്ക് തന്നെ മടങ്ങി. ജൂലൈ 28, ഓഗസ്‌റ്റ് 3 രക്‌തസാക്ഷി വാരാചരണത്തിന്റെയും, സർക്കാരിനെതിരെ രൂക്ഷ ഭാഷയിലുള്ള പ്രതികരണത്തിന്റെയും പോസ്‌റ്ററുകളാണ് പതിച്ചിരിക്കുന്നത്. സിപിഐ മാവോയിസ്‌റ്റ് ബാണാസുര ഏരിയ കമ്മിറ്റിയുടെ പേരിലാണ് പോസ്‌റ്ററുകൾ ഉള്ളത്. പോലീസ്-തണ്ടർബോൾട്ട് സംഘം സ്‌ഥലത്തെത്തി പരിശോധന നടത്തി.
Read Also: മടവീഴ്‌ച കാരണം നെൽകൃഷി നശിച്ചു; ആനുകൂല്യം നിഷേധിക്കപ്പെട്ട് കുട്ടനാട്ടിലെ കർഷകർ
