ചെന്നൈ: തമിഴ്നാട്ടിലെ സേലത്ത് ഗ്യാസ് സിലിണ്ടർ പൊട്ടിത്തെറിച്ച് അപകടം. സ്‌ഫോടനത്തിൽ മൂന്ന് വീടുകൾ തകർന്നു. ഒരാൾ മരിച്ചു. അഞ്ചു പേരെ രക്ഷപ്പെടുത്തി. മൂന്നു പേർ കെട്ടിടാവശിഷ്‌ടങ്ങൾക്ക് ഇടയിൽ കുടുങ്ങിക്കിടക്കുന്നതായാണ് വിവരം.
ചൊവ്വാഴ്‌ച രാവിലെ ഏഴോടെ സേലത്തെ കരിങ്കൽ പെട്ടിയിലെ തെരുവിലാണ് അപകടം നടന്നത്. വീട്ടിൽ ഭക്ഷണം ഉണ്ടാക്കുന്നതിനിടെ ഗ്യാസ് സിലിണ്ടർ പൊട്ടിത്തെറിക്കുകയായിരുന്നു. തുടർന്ന് അപകടം ഉണ്ടായ വീടും തൊട്ടടുത്തുള്ള രണ്ടു വീടും തകർന്ന് നിലം പതിച്ചു.
രക്ഷപ്പെടുത്തിയ അഞ്ചുപേർ സേലത്തെ സർക്കാർ ആശുപത്രിയിൽ ചികിൽസയിലാണ്. അതേസമയം രക്ഷാപ്രവർത്തനം തുടരുകയാണ്. കുടുങ്ങിക്കിടക്കുന്നവരിൽ ഒരു കുട്ടിയും ഉണ്ട് എന്നാണ് വിവരം.
Must Read: ഗ്യാസ് സിലിണ്ടര്‍ ദുരന്തങ്ങള്‍ ഒഴിവാക്കാന്‍ ഈ അറിവുകള്‍ക്ക് നേരെ മുഖം തിരിക്കാതിരിക്കാം
