റമദാന് മുൻപ് മക്ക, മദീന ഹറമുകളിലെ ജീവനക്കാർ കോവിഡ് വാക്‌സിനെടുക്കണം

By Team Member, Malabar News
saudi vaccine
Representational image

റിയാദ് : റമദാൻ ആരംഭം മുതൽ മക്ക, മദീന ഹറമുകളിൽ പ്രവേശിക്കുന്ന ജീവനക്കാർ നിർബന്ധമായും കോവിഡ് വാക്‌സിൻ സ്വീകരിച്ചിരിക്കണം എന്ന് വ്യക്‌തമാക്കി അധികൃതർ. എല്ലാ തൊഴിലാളികളും നിർബന്ധമായും രണ്ട് ഡോസ് കുത്തിവെപ്പും എടുത്തിരിക്കണമെന്ന് ഹറം കാര്യാലയം അറിയിച്ചിട്ടുണ്ട്. ഹറം പ്രസിഡൻസി, ഏജൻസി കെട്ടിടങ്ങളിലെ പ്രവേശനം എന്നിവക്കും വാക്‌സിന്‍ നിര്‍ബന്ധമാണ്.

അതേസമയം തന്നെ രാജ്യത്ത് റമദാന്റെ ഭാഗമായി എത്തുന്ന ഉംറ തീർഥാടകരെ പ്രവേശിപ്പിക്കാനുള്ള എല്ലാ നടപടികളും പൂർത്തിയായതായി ഹജ്‌ജ്, ഉംറ സഹമന്ത്രി അബ്‌ദുൽ ഫത്താഹ് മുശാത് വ്യക്‌തമാക്കി. 700ഓളം ബസുകൾ തീർഥാടകരുടെ യാത്രക്കായി ഏർപ്പെടുത്തിയിട്ടുണ്ട്. കൂടാതെ കോവിഡ് വ്യാപനം നിലനിൽക്കുന്ന സാഹചര്യത്തിൽ രോഗവ്യാപനം കുറക്കുന്നതിന് വേണ്ട നടപടികളും രാജ്യത്ത് എടുത്തിട്ടുണ്ട്.

തീർഥാടകരുടെ യാത്രക്കായി തയ്യാറാക്കിയ ബസുകൾ ഓരോ യാത്രക്ക് ശേഷവും അണുവിമുക്‌തമാക്കും. കൂടാതെ സാമൂഹിക അകലം ഉറപ്പ് വരുത്തുന്ന രീതിയിലായിരിക്കും ആളുകൾക്ക് ബസുകളിൽ സീറ്റ് അനുവദിക്കുക. ഉംറ സീസണിലേക്ക് വേണ്ട അടിസ്‌ഥാന ആരോഗ്യ നിബന്ധനകളും സർക്കാർ തയ്യാറാക്കിയിട്ടുണ്ട്.

Read also : തമിഴ്‌നാടും പുതുച്ചേരിയും ഇന്ന് പോളിംഗ് ബൂത്തിലേക്ക്

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE