തിരുവനന്തപുരം : സംസ്ഥാനത്തെ കോവിഡ് പ്രതിരോധത്തിന് കൂടുതൽ പിന്തുണയുമായി അദാനി ഗ്രൂപ്പ്. ഇതിന്റെ ഭാഗമായി 3 ഓക്സിജൻ കണ്ടെയ്നറുകൾ അദാനി ഗ്രൂപ്പ് കേരളത്തിന് കൈമാറി. സിംഗപ്പൂരിൽ നിന്നും എയർഫോർസിന്റെ പ്രത്യേക വിമാനത്തിലാണ് ഓക്സിജൻ കണ്ടെയ്നറുകൾ കേരളത്തിൽ എത്തിച്ചത്.
20 ടൺ സംഭരണശേഷിയുള്ള 3 ഓക്സിജൻ കണ്ടെയ്നറുകൾ എറണാകുളം ജില്ലാ ഭരണകൂടം ഏറ്റുവാങ്ങി. കൂടാതെ അവ സംസ്ഥാനത്തിന്റെ വിവിധ ഭാഗങ്ങളിലേക്ക് അയക്കുകയും ചെയ്തു. കേരളത്തിലെ കോവിഡ് പ്രതിരോധത്തിന് ഇതിനോടകം തന്നെ അദാനി ഗ്രൂപ്പ് വലിയ പിന്തുണ നൽകിയിട്ടുണ്ട്.
മുഖ്യമന്ത്രിയുടെ ദുരിതാശ്വാസ നിധിയിലേക്ക് 5 കോടി രൂപ സംഭാവന ചെയ്യുകയും, അതിന് പുറമേ 1,012 ഓക്സിജൻ സിലിണ്ടറുകളും ഫസ്റ്റ്ലൈൻ ട്രീറ്റ്മെന്റ് സെന്ററിനുള്ള കിടക്കകളും, മറ്റ് ഉപകരണങ്ങളും അദാനി ഗ്രൂപ്പ് കേരളത്തിലെ കോവിഡ് പ്രതിരോധത്തിനായി നൽകിയിരുന്നു.
Read also : ജയിലിൽ പ്രോട്ടീൻ ഭക്ഷണം വേണമെന്ന് സുശീൽ കുമാർ; അനുമതി നൽകി കോടതി