തിരുവനന്തപുരം: തൊഴില്‍ ലഭിക്കാത്തതില്‍ മനം നൊന്ത് യുവാവ് ആത്മഹത്യ ചെയ്തു. തിരുവനന്തപുരം കാരക്കോണം സ്വദേശി അനു(29) ആണ് ആത്മഹത്യ ചെയ്തത്. പി‌എസ്‌സി എക്സൈസ് ലിസ്റ്റില്‍ 76 ആം റാങ്കുകാരനായിരുന്നു. എന്നാല്‍ പി‌എസ്‌സി ഈ റാങ്ക് ലിസ്റ്റ് റദ്ദു ചെയ്തിരുന്നു.
ജോലി ലഭിക്കാത്തത് മാനസികമായി തളര്‍ത്തി എന്നാണ് ആത്മഹത്യാ കുറുപ്പില്‍ പറയുന്നത്. ‘ കുറച്ച് ദിവസമായി ആഹാരം വേണ്ട. ശരീരമൊക്കെ വേദന പോലെ. എന്തു ചെയ്യണമെന്ന് അറിയില്ല. കുറച്ച് ദിവസമായി ആലോചിക്കുന്നു, ആരുടെ മുന്നിലും ചിരിച്ച് അഭിനയിക്കാന്‍ വയ്യ. എല്ലാത്തിനും കാരണം ജോലി ഇല്ലായ്മ’ ഇതായിരുന്നു ആത്മഹത്യാ കുറിപ്പ്.
