കൊൽക്കത്ത: പശ്ചിമ ബംഗാൾ മുഖ്യമന്ത്രി മമതാ ബാനർജി ഇന്ന് നന്ദിഗ്രാമിൽ പ്രചാരണം ആരംഭിക്കും. സ്ഥാനാർഥിയായ ശേഷം ആദ്യമായാണ് മമത നന്ദിഗ്രാമിൽ സന്ദർശനം നടത്തുന്നത്. ഇവിടത്തെ പ്രചാരണങ്ങളുടെ ചുമതല നേരത്തെ തന്നെ 2 മന്ത്രിമാർക്ക് നൽകിയിരുന്നു. മമത ബാനർജി നാളെ നാമനിർദേശ പത്രിക സമർപ്പിക്കും. 12ന് തൃണമൂലിന്റെ പ്രകടന പത്രിക പുറത്തിറക്കും.
തിരഞ്ഞെടുപ്പ് തൊട്ടടുത്ത് എത്തി നിൽക്കുമ്പോഴും തൃണമൂൽ കോൺഗ്രസിൽ നിന്നും ബിജെപിയിലേക്ക് എത്തുന്ന എംഎൽഎമാരുടെ എണ്ണം വർധിക്കുകയാണ്. തൃണമൂൽ കോൺഗ്രസിൽ നിന്ന് 5 നേതാക്കൾ കൂടി ബിജെപിയിലേക്ക് എത്തി. 4 സിറ്റിങ് എംഎൽഎമാരും 1 സ്ഥാനാർഥിയുമാണ് ബിജെപി അംഗത്വം എടുത്തത്. സരള മുർമുവാണ് ബിജെപിയിൽ ചേർന്ന സ്ഥാനാർഥി. സിങ്കൂർ സമരത്തിന് നേതൃത്വം നൽകിയ രബീന്ദ്രനാഥ് ഭട്ടാചാര്യയും ബിജെപി അംഗത്വം എടുത്തിരുന്നു.
Read also: രാമക്ഷേത്ര നിർമാണത്തിന് സംഭാവനയില്ല; അധ്യാപകനെ പുറത്താക്കി