പാലക്കാട്‌: ജില്ലയിലെ തൃത്താല, ആലൂരിന് സമീപം ചിറ്റപ്പുറത്ത് ഗ്യാസ് സിലിണ്ടർ പൊട്ടിത്തെറിച്ചുണ്ടായ അപകടത്തിൽ മരണം മൂന്നായി പരിക്കേറ്റ് ചികിൽസയിൽ കഴിഞ്ഞിരുന്ന സെബിൻ (18) ആണ് ഇന്ന് മരണത്തിന് കീഴടങ്ങിയത്. ഈ കുട്ടിയുടെ പിതാവ് അബ്‌ദു റസാഖ് എന്ന സമദ്, സെബിന്റെ മാതാവ് സെറീന എന്നിവർ ചികിൽസയിലിരിക്കെ കഴിഞ്ഞ ദിവസങ്ങളിൽ മരിച്ചിരുന്നു.
ഗ്യാസ് ഏജൻസിയിൽ ഡ്രൈവറായി ജോലി നോക്കിയിരുന്ന സമദിന്റെ വാടക വീട്ടിൽ സൂക്ഷിച്ചിരുന്ന നാല് സിലിണ്ടറുകളിൽ ഒന്ന് പൊട്ടിത്തെറിച്ചാണ് അപകടം ഉണ്ടായത്. സമദിന്റെ പ്രായമായ മാതാവും മകളുമാണ് ഈ കുടുംബത്ത് പൊള്ളൽ ഏൽക്കാതെ രക്ഷപ്പെട്ടവർ.
Related News: തൃത്താലയിൽ ഗ്യാസ് സിലിണ്ടർ അപകടം; മരണം രണ്ടായി
