ദുബായ്: യെമൻ വിമതരുടെ തുടർച്ചയായ മിസൈൽ ആക്രമണത്തിന് പിന്നാലെ യുഎഇക്ക് പ്രതിരോധ സഹായവുമായി യുഎസ്‌. യുഎഇയെ സഹായിക്കാൻ മിസൈൽ പ്രതിരോധ സംവിധാനങ്ങളും യുദ്ധ കപ്പലുകളും യുദ്ധ വിമാനങ്ങളും യുഎസ്‌ അയക്കും.
യുഎസ്‌ പ്രതിരോധ സെക്രട്ടറി ലോയിഡ് ഓസ്‌റ്റിനുമായി അബുദാബി കിരീടാവകാശി മുഹമ്മദ് ബിൻ സായിദ് അൽ നഹ്യാൻ നടത്തിയ ഫോൺ സംഭാഷണത്തെ തുടർന്ന് യുഎഇക്കെതിരായ നിലവിലെ ഭീഷണി കണക്കിലെടുത്താണ് ഇത്തരമൊരു നീക്കമെന്ന് യുഎസ്‌ എംബസി അറിയിച്ചു.
യുഎഇ നാവിക സേനയുമായി സഹകരിച്ച് മിസൈൽ പ്രതിരോധ സംവിധാനം സ്‌ഥാപിക്കും. അഞ്ചാം തലമുറ യുദ്ധ വിമാനങ്ങളും യുഎഇയിൽ യുഎസ്‌ വിന്യസിക്കും. അടുത്തിടെ രണ്ട് തവണയാണ് അബുദാബിയിൽ ഹൂതികളുടെ ആക്രമണം നടന്നത്. ആദ്യ തവണ നടത്തിയ ആക്രമണത്തിൽ രണ്ട് ഇന്ത്യക്കാരടക്കം മൂന്ന് തൊഴിലാളികൾ മരിച്ചിരുന്നു.
Also Read: സഞ്‌ജിത്ത് വധക്കേസ്; അന്വേഷണം ശരിയായ ദിശയിലെന്ന് സര്‍ക്കാര്‍
