ന്യൂഡെൽഹി: ഇന്റര്‍നെറ്റ് ബ്രൗസ് ചെയ്യാന്‍ മോസില്ല ഫയര്‍ഫോക്‌സ് ഉപയോഗിക്കുന്ന ഉപയോക്‌താക്കള്‍ക്ക് മുന്നറിയിപ്പുമായി കേന്ദ്ര സര്‍ക്കാര്‍. മോസില്ല ഉൽപന്നങ്ങളില്‍ നിരവധി സുരക്ഷാ വീഴ്‌ചകള്‍ കണ്ടെത്തിയതായി ഇന്ത്യന്‍ കമ്പ്യൂട്ടര്‍ എമര്‍ജന്‍സി റെസ്‌പോൺസ് ടീം (സിഇആര്‍ടി-ഇന്‍) വെളിപ്പെടുത്തി.
സുരക്ഷാ നിയന്ത്രണങ്ങള്‍ മറികടക്കാന്‍ മാത്രമല്ല, സ്‌പൂഫിംഗ് ആക്രമണങ്ങള്‍ നടത്താനും അനിയന്ത്രിതമായ കോഡ് നടപ്പിലാക്കാനും ഉപയോക്‌താക്കളുടെ സമ്മതമില്ലാതെ സെന്‍സിറ്റീവ് വിശദാംശങ്ങള്‍ നേടാനും ഹാക്കര്‍മാര്‍ക്ക് ഈ പിഴവുകള്‍ ഉപയോഗിക്കാമെന്നാണ് കണ്ടെത്തിയിരിക്കുന്നത്.
ഏറ്റവും പുതിയ ഫയര്‍ഫോക്‌സ് 98 അപ്ഡേറ്റിന് മുമ്പുള്ള എല്ലാ മോസില്ല ഫയര്‍ഫോക്‌സ് പതിപ്പുകളും ഈ സുരക്ഷാ തകരാറുകളാല്‍ ബാധിക്കപ്പെട്ടതായി സുരക്ഷാ ഏജന്‍സി അറിയിച്ചു. കൂടാതെ, 91.7ന് മുമ്പുള്ള മോസില്ല ഫയര്‍ഫോക്‌സ് ESR പതിപ്പുകളും 91.7ന് മുമ്പുള്ള മോസില്ല ഫയര്‍ഫോക്‌സ് തണ്ടര്‍ബേര്‍ഡ് പതിപ്പുകളും സമാനമായ സുരക്ഷാ തകരാറുകള്‍ നേരിടുന്നുണ്ട്.
ഉപയോഗത്തിനു ശേഷമുള്ള ഇന്‍-ടെക്‌സ്‌റ്റ് റീഫ്‌ലോകളും ത്രെഡ് ഷട്ട്ഡൗണും, ആഡ്-ഓണ്‍ സിഗ്‌നേച്ചറുകള്‍ പരിശോധിക്കുമ്പോള്‍ ഉപയോഗിക്കേണ്ട ടൈം ബഗ്, സാന്‍ഡ്ബോക്‌സ് ചെയ്‌ത ഉള്ളടക്കം നിയന്ത്രിക്കുന്നതിലെ പിശക് എന്നിവ കാരണം മോസില്ല ഉൽപന്നങ്ങളില്‍ ഈ പിഴവുകള്‍ നിലനില്‍ക്കുന്നു. സുരക്ഷാ പിഴവുകള്‍ ഹാക്കര്‍മാര്‍ ചൂഷണം ചെയ്യാമെന്ന് സിഇആര്‍ടി-ഇന്‍ വിശദീകരിക്കുന്നു.
മോസില്ല ഫയര്‍ഫോക്‌സ് എങ്ങനെ അപ്ഡേറ്റ് ചെയ്യാം?
ഫയര്‍ഫോക്‌സ് ടൂള്‍ബാറിന്റെ വലതുവശത്തുള്ള മെനു ബട്ടണില്‍ ക്ളിക്ക് ചെയ്യുക.
തുടർന്ന് ഹെല്‍പ്പ് ഓപ്ഷനില്‍ ക്ളിക്ക് ചെയ്യുക.
ശേഷം ഫയര്‍ഫോക്‌സിനെ കുറിച്ച് ഓപ്ഷന്‍ തിരഞ്ഞെടുക്കുക.
ഫയര്‍ഫോക്‌സ് അപ്‌ഡേറ്റുകള്‍ക്കായി പരിശോധിക്കുക, ഒരു അപ്ഡേറ്റ് ലഭ്യമാണെങ്കില്‍, ബ്രൗസര്‍ അത് സ്വയമേവ ഡൗണ്‍ലോഡ് ചെയ്യും.
ഡൗണ്‍ലോഡ് പൂര്‍ത്തിയായി കഴിഞ്ഞാല്‍, ഫയര്‍ഫോക്‌സ് അപ്ഡേറ്റ് ചെയ്യാന്‍ റീസ്‌റ്റാർട്ട് ക്ളിക്ക് ചെയ്യുക.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
