ഇടുക്കി: രാജസ്ഥാനിൽ നടന്ന ദേശീയ സീനിയർ വടംവലി ചാമ്പ്യൻഷിപ്പിൽ കേരള വനിതാ ടീം സ്വർണം നേടിയത് ഇടുക്കിയിലെ മിടുക്കികളുടെ കൂടെ കരുത്തിൽ. വനിതകളുടെ 500 കിലോഗ്രാം വിഭാഗത്തിൽ ന്യൂമാൻ കോളേജിലെ മൂന്നാം വർഷ ബിരുദ വിദ്യാർഥികളായ സ്നേഹ ജോബിയും, ജയലക്ഷ്മി വിജയനുമാണ് ഇടുക്കിയുടെ അഭിമാന താരങ്ങളായത്.
എട്ടംഗ കേരള വനിതാ സീനിയർ ടീമിലെ അംഗങ്ങളായിരുന്നു ഇരുവരും. ഫൈനലിൽ ഡെൽഹിയെയാണ് പരാജയപ്പെടുത്തിത്. 2020 ജനുവരിയിൽ മഹാരാഷ്ട്രയിൽ നടന്ന സീനിയർ മിക്സഡ് വിഭാഗത്തിൽ കേരളം വെള്ളി നേടിയപ്പോഴും ശ്രീലക്ഷ്മിയും സ്നേഹയും ടീമിൽ അംഗമായിരുന്നു.
13ആം വയസ് മുതൽ ഇരുവരും ജില്ലക്ക് വേണ്ടി വിവിധ സംസ്ഥാന മൽസരങ്ങളിൽ പങ്കെടുക്കുന്നുണ്ട്. ജയലക്ഷ്മി നേരത്തെ നാഷണൽ ബോക്സിങ്, കരാട്ടെ എന്നിവയിലും മൽസരിച്ചിട്ടുണ്ട്. തൊടുപുഴ മഞ്ചിക്കൽ പടിഞ്ഞാറേക്കരയിൽ വിജയന്റെയും ജെയ്നിയുടെയും മകളാണ് ജയലക്ഷ്മി. നാഷണൽ ബോക്സിങ് താരം കൂടിയായ സ്നേഹ ജോബി തട്ടക്കുഴ പ്ളാപ്പള്ളിൽ ജോബിയുടെയും അനിതയുടെയും മകളാണ്.
Most Read: രണ്ടര വയസുകാരിയുടെ ജീവന് രക്ഷിച്ച നഴ്സിനെ അഭിനന്ദിച്ച് ആരോഗ്യമന്ത്രി