ന്യൂഡെൽഹി: എൻഫോഴ്‌സ്‌മെന്റ് ഡയറക്‌ടറേറ്റിന് ശക്‌തമായ താക്കീതുമായി ഡെൽഹി ഹൈക്കോടതി. തന്നിഷ്‌ടപ്രകാരം ഇഡിക്ക് ഒരാളെ അറസ്‌റ്റ് ചെയ്യാൻ അനുവാദമില്ലെന്ന് ഡെൽഹി ഹൈക്കോടതി ചൂണ്ടിക്കാട്ടി. കള്ളപ്പണം വെളുപ്പിക്കൽ നിയമം ചൂണ്ടിയാണ് ഹൈക്കോടതി നിർദ്ദേശം. ഹൈക്കോടതി ജസ്‌റ്റിസ്‌ അനൂപ് ജയറാം ബംബാനിയാണ് നിർദ്ദേശം മുന്നോട്ടുവെച്ചത്.
പിഎംഎൽഎ കേസ് റദ്ദാക്കണമെന്ന് ആവശ്യപ്പെട്ട് ആശിഷ് മിത്തൽ നൽകിയ ഹരജി പരിഗണിക്കവേയാണ് കോടതിയുടെ സുപ്രധാന നിരീക്ഷണം ഉണ്ടായത്. കള്ളപ്പണം വെളുപ്പിക്കൽ നിയമം ചൂണ്ടിക്കാട്ടി തന്നിഷ്‌ടപ്രകാരം എൻഫോഴ്‌സ്‌മെന്റ് ഡയറക്‌ടറേറ്റിന് ഒരാളെ അറസ്‌റ്റ് ചെയ്യാനാകില്ല. പിഎംഎൽഎ നിയമം അനിയന്ത്രിതമായ അധികാരം ഇഡിക്ക് നൽകുന്നില്ലെന്നും ജസ്‌റ്റിസ്‌ അനൂപ് ജയറാം ബംബാനി വ്യക്‌തമാക്കി.
പിഎംഎൽഎ നിയമത്തിലെ 50ആം വകുപ്പ് പ്രകാരം, ഒരു വ്യക്‌തിയോട് ആവശ്യപ്പെടാം. എന്നാൽ, ഇതിൽ അറസ്‌റ്റിനുള്ള അധികാരം ഉൾപ്പെടുന്നില്ലെന്നും കോടതി ചൂണ്ടിക്കാട്ടി. പിഎംഎൽഎ നിയമത്തിലെ വകുപ്പുപ്രകാരം അറസ്‌റ്റ് ചെയ്യാനുള്ള കുറ്റകൃത്യം ഉണ്ടെന്ന് ബോധ്യം ഉണ്ടായിരിക്കണമെന്നത് പ്രധാനമാണ്. അറസ്‌റ്റിനുള്ള കാരണങ്ങൾ രേഖാമൂലം വേണം. ഇതിനുള്ള തെളിവുകളും കൈവശം ഉണ്ടായിരിക്കണമെന്നും കോടതി നിർദ്ദേശം നൽകി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
