തിരുവനന്തപുരം: ഉച്ചഭക്ഷണത്തിന്റെ സുരക്ഷ ഉറപ്പാക്കാൻ തിരുവനന്തപുരം കോട്ടൻ ഹിൽ സ്‌കൂൾ സന്ദർശിച്ച മന്ത്രിക്ക് നൽകിയ ചോറിൽ തലമുടി കണ്ടെത്തി. ഭക്ഷ്യമന്ത്രി ജിആർ അനിലാണ് സ്‌കൂൾ സന്ദർശനത്തിന് എത്തിയത്. സംസ്‌ഥാനത്തെ പല സ്‌കൂളുകളിലും പാചക ശുചീകരണ തൊഴിലാളികളുടെ കുറവുണ്ടെന്ന് മന്ത്രി പറഞ്ഞു. ചില സ്‌കൂളുകളിലെങ്കിലും ഭക്ഷണം പാകം ചെയ്യുന്നതിന് സ്‌ഥല പരിമിതിയുമുണ്ട്. കുട്ടികൾക്കൊപ്പം ഭക്ഷണം കഴിച്ച ശേഷമാണ് മന്ത്രി മടങ്ങിയത്.
സംസ്‌ഥാനത്തെ സ്‌കൂളുകളിൽ ഉച്ചഭക്ഷണത്തെ തുടർന്ന് കുട്ടികൾക്ക് ഭക്ഷ്യവിഷബാധ ഉണ്ടാകുന്നു എന്ന പരാതി പല ജില്ലകളിൽ നിന്നും ഉയർന്നിരുന്നു. ഈ സാഹചര്യത്തിലാണ് ഭക്ഷ്യമന്ത്രിയും വിദ്യാഭ്യാസ മന്ത്രിയും സ്‌കൂൾ സന്ദർശിക്കുന്നത്. ഇതിന്റെ ഭാഗമായാണ് മന്ത്രി ജിആർ അനിൽ സംസ്‌ഥാനത്തെ ഏറ്റവും വലിയ സ്‌കൂളുകളിൽ ഒന്നായ കോട്ടൻ ഹിൽ എൽപി സ്‌കൂളിൽ എത്തിയത്.
Most Read: വിവാഹത്തിന് എത്തിയവർക്ക് സമ്മാനമായി ഹെൽമെറ്റ്; ദമ്പതികൾക്ക് കയ്യടി
