മലപ്പുറം: പൊന്നാനി, ഹിളര്പ്പള്ളി, മരക്കടവ് മേഖലകളില് കടല്ക്ഷോഭം രൂക്ഷം. കടലാക്രമണത്തില് അഞ്ച് വീടുകള് ഭാഗികമായി തകര്ന്നു. വീടുകളിലേക്ക് വെള്ളം അടിച്ചു കയറുകയാണ്. ഇന്ന് രാവിലെ പതിനൊന്ന് മണി മുതലാണ് വെള്ളം കയറാന് തുടങ്ങിയത്.
ഈ പ്രദേശങ്ങളിൽ നേരത്തെയുണ്ടായ കനത്ത മഴയിലും കടലാക്രമണത്തിലും ഭാഗികമായി തകര്ന്ന വീടുകളും കെട്ടിടങ്ങളും നിലവില് പൂര്ണമായും തകര്ന്ന അവസ്ഥയിലാണ്. ഈ പ്രദേശങ്ങളിലുള്ളവരെ മാറ്റി താമസിപ്പിക്കണമെന്നും അടിയന്തര നടപടി സ്വീകരിക്കണമെന്നുമാണ് പ്രദേശവാസികളുടെ ആവശ്യം.
കടല്ഭിത്തിയുടെ അപര്യാപ്ത മൂലം നേരത്തെ വേലിയേറ്റമുണ്ടായ സമയത്തെല്ലാം വെള്ളം കയറുന്ന സാഹചര്യമാണുള്ളത്. ഇപ്പോള് ഏതാനും വീടുകളില് മാത്രമാണ് ഇവിടെ ആള്ത്താമസമുള്ളത്. വൈകുന്നേരത്തോടെ വെള്ളം ഇറങ്ങിത്തുടങ്ങി ഇല്ലെങ്കില് ഇവരെ കൂടി മാറ്റിപ്പാര്പ്പിക്കേണ്ടി വരുമെന്നാണ് അധികൃതര് പറയുന്നത്.
Must Read: വ്യാജ തെളിവുണ്ടാക്കാൻ നീക്കം; ലക്ഷദ്വീപ് ഭരണകൂടത്തിന് എതിരെ ഐഷ വീണ്ടും ഹൈക്കോടതിയിൽ