ജിദ്ദ: വിവിധ കാരണങ്ങളാൽ സൗദിയിൽ കുടുങ്ങിയവർക്കു നാട്ടിലേക്കു പോകാൻ ജിദ്ദ ഇന്ത്യൻ കോൺസുലേറ്റ് അവസരമൊരുക്കുന്നു. ഇഖാമ പുതുക്കാത്തവർ മുതൽ സ്പോൺസറിൽ നിന്ന് ഒളിച്ചോടിയവർക്ക് വരെ ഈ സേവനം പ്രയോജനപ്പെടുത്താം.
കേസിൽ പെട്ടും മറ്റും നാട്ടിൽ പോവാനാവാതെ പ്രയാസപ്പെടുന്ന പ്രവാസികൾക്കും ഇതൊരു അവസരമാണ്. ഇങ്ങിനെയുള്ളവർക്ക് അടുത്ത രണ്ട് ദിവസത്തിനകം ഇന്ത്യൻ കോൺസുലേറ്റുമായി ബന്ധപ്പെട്ട് ഈ അവസരം ഉപയോഗപ്പെടുത്താമെന്ന് കോൺസുലേറ്റ് അറിയിച്ചു.
ആനുകൂല്യം ലഭിക്കുന്നതിന് cgijeddah(dot)org എന്ന വെബ്സൈറ്റിലെ Final Exit Visa Registration Form എന്ന ടാബിൽ തങ്ങളുടെ വിവരങ്ങൾ നൽകി മുൻകൂട്ടി രജിസ്റ്റർ ചെയ്യാം. നേരത്തെ കോവിഡിനെ തുടർന്ന് സൗദിയിൽ ലോക്ഡോൺ പ്രഖ്യാപിച്ചതിന് മുമ്പ് ഈ വെബ്സൈറ്റ് വഴി രജിസ്റ്റർ ചെയ്തവർ വീണ്ടും രജിസ്റ്റർ ചെയ്യേണ്ടതില്ല. ഇത്തരത്തിൽ രജിസ്റ്റർ ചെയ്യാൻ സാധിക്കാത്തവർക്കും കോൺസുലേറ്റുമായി നേരിട്ട് ബന്ധപ്പെടാവുന്നതാണ്.
കൂടുതൽ വിവരങ്ങൾക്ക് രണ്ടു ദിവസത്തിനകം കോൺസുലേറ്റിന്റെ വാട്സാപ് നമ്പർ +966 55 612 2301ൽ ബന്ധപ്പെടണം. സാങ്കേതിക സഹായങ്ങൾക്കായി അതാത് പ്രദേശത്തെ സന്നദ്ധ സംഘടനകളുടെ സഹായം അഭ്യർഥിക്കാവുന്നതാണ്.
Most Read: ഗുജറാത്ത് തിരഞ്ഞെടുപ്പ് ഡിസംബർ ഒന്നിനും അഞ്ചിനും; ഫെബ്രുവരി 20ന് മുൻപ് പുതിയ സർക്കാർ