മുംബൈ: ബോളിവുഡ് താരം സന്ദീപ് നഹാറിനെ ആത്‍മഹത്യ ചെയ്‌ത നിലയിൽ കണ്ടെത്തി. മുംബൈയിലെ വസതിയിലാണ് താരത്തിന്റെ മൃതദേഹം കണ്ടെത്തിയത്. ഫേസ്ബുക്കില്‍ പത്ത് മിനിറ്റ് ദൈര്‍ഘ്യമുള്ള വീഡിയോ പോസ്‌റ്റ് ചെയ്തതിന് പിന്നാലെയാണ് നടന്‍ ജീവനൊടുക്കിയത്.
ബന്ധുക്കള്‍ അറിയാന്‍ എന്ന് പറഞ്ഞുകൊണ്ട് ആരംഭിക്കുന്ന വീഡിയോയിൽ നിന്നും ദാമ്പത്യ പ്രശ്‌നങ്ങളാണ് മരണത്തിന് കാരണമെന്നാണ് വ്യക്‌തമാകുന്നത്‌.
സന്ദീപിന്റെ മൃതദേഹം പോസ്‌റ്റുമോര്‍ട്ടത്തിനായി മാറ്റിയിട്ടുണ്ടെന്നും സംഭവത്തിൽ കേസെടുത്ത് അന്വേഷണം ആരംഭിച്ചിട്ടുണ്ടെന്നും പോലീസ് അറിയിച്ചു.
‘എംഎസ് ധോണി;ദി അണ്‍ടോള്‍ഡ് സ്‌റ്റോറി’ എന്ന ചിത്രത്തിൽ അന്തരിച്ച ചലച്ചിത്ര താരം സുശാന്ത് സിംഗിനൊപ്പവും ‘കേസരി’ എന്ന ചിത്രത്തിൽ അക്ഷയ് കുമാറിനൊപ്പവും ശ്രദ്ധേയ വേഷങ്ങൾ സന്ദീപ് നഹാര്‍ ചെയ്‌തിരുന്നു. കൂടാതെ ടെലിവിഷന്‍ രംഗത്തും സജീവമായിരുന്ന താരം നിരവധി ഹിന്ദി സീരിയലുകളിലും അഭിനയിച്ചിരുന്നു.
Read Also: അഭയ കേസ്; പ്രതികളുടെ അപ്പീൽ ഇന്ന് ഹൈക്കോടതി പരിഗണിക്കും
