കണ്ണൂർ: മേയറുടെ പേരിൽ വ്യാജ ഫേസ്ബുക്ക് അക്കൗണ്ട് ഉണ്ടാക്കി പണം തട്ടിയെടുക്കാൻ ശ്രമം. സംഭവത്തിൽ മേയർ അഡ്വ.ടിഒ മോഹനൻ പോലീസ് അസിസ്‌റ്റന്റ് കമ്മീഷണർക്ക് പരാതി നൽകി. ഉത്തരവാദികൾക്ക് എതിരെ നടപടി സ്വീകരിക്കണമെന്ന് മേയർ പരാതിയിൽ ആവശ്യപ്പെട്ടു.
മേയറുടെ ഫേസ്ബുക്ക് സുഹൃത്തുക്കളിൽ പലർക്കും മെസഞ്ചറിൽ പണം ആവശ്യപ്പെട്ട് സന്ദേശം ലഭിച്ചത് ഇദ്ദേഹത്തിന്റെ ശ്രദ്ധയിൽപെട്ടതിനെ തുടർന്നാണ് വ്യാജ അക്കൗണ്ട് ഉണ്ടാക്കിയ വിവരം അറിഞ്ഞത്. ബന്ധു ആശുപത്രിയിൽ ചികിൽസയിലാണെന്നും, സർവർ ഡൗൺ ആയതിനാൽ അക്കൗണ്ടിൽ നിന്ന് പണം പിൻവലിക്കാൻ കഴിയാത്തതുകൊണ്ട് അടിയന്തിരമായി ഗൂഗിൾ പേ വഴിയോ ഫോൺ പേ വഴിയോ 19,000 രൂപ അയക്കണം എന്നുമാണ് ചിലർക്ക് സന്ദേശം ലഭിച്ചിരിക്കുന്നത്. അത്യാസന്ന നിലയിൽ ആശുപത്രിയിൽ കിടക്കുന്ന ഒരാളുടെ ഫോട്ടോയും സന്ദേശത്തിൽ ഉൾപ്പെടുത്തിയിട്ടുണ്ട്.
Read also: നിലമ്പൂരിൽ കോവിഡ് രോഗിയുമായി പോയ ആംബുലൻസ് അപകടത്തിൽപ്പെട്ടു; 3 പേർക്ക് പരിക്ക്
