കണ്ണൂർ: റിട്ട. അധ്യാപകൻ വാഹനമിടിച്ച് മരിച്ചു. മയ്യിൽ ചെക്യാട്ട് കാവിന് സമീപത്ത് യു ബാലകൃഷ്ണൻ മാസ്റ്ററാണ് (70) മരിച്ചത്. സാമൂഹിക സാംസ്കാരിക രാഷ്ട്രീയ രംഗത്തെ സജീവ സാന്നിധ്യമായിരുന്നു. മയ്യിൽ എസ്ബിഐ ബാങ്കിന് സമീപത്തെ പെട്രോൾ പമ്പിനടുത്താണ് അപകടം.
ചൊവ്വാഴ്ച പുലർച്ച അഞ്ചിന് മയ്യിൽ ഭാഗത്തുനിന്ന് കണ്ണൂർ ഭാഗത്തേക്ക് വന്ന കാറാണ് ഇടിച്ചത്. നിർത്താതെ പോയ വാഹനത്തിനായി അന്വേഷണം ഊർജിതമാക്കിയതായി മയ്യിൽ പൊലീസ് അറിയിച്ചു. സിപിഎം എകെജി നഗർ ബ്രാഞ്ചംഗവും കെഎസ്എസ്പിയു ഇരിക്കൂർ ബ്ളോക്ക് ട്രഷററുമാണ്.
Read also: കണ്ണൂരിൽ എടിഎമ്മുകൾ തകർത്ത് ലക്ഷങ്ങൾ കവർന്നു