ന്യൂഡെൽഹി: ഈ സീസണിലെ വിജയ് ഹസാരെ ട്രോഫി ഫെബ്രുവരി 18 മുതൽ ആരംഭിക്കുമെന്ന് ബിസിസിഐ. സയ്യിദ് മുഷ്‌താഖ്‌ അലി ട്രോഫി നടന്ന അതേ വേദികളിലാകും വിജയ് ഹസാരെ ട്രോഫി മൽസരങ്ങളും നടക്കുക. ട്വന്റി-20 ടൂർണമെന്റിനായി ഇവിടങ്ങളിൽ നേരത്തെ ബയോ ബബിൾ സംവിധാനം ഒരുക്കിയിരുന്നു. അതുകൊണ്ട് തന്നെ വീണ്ടും ഇവിടെ ബയോ ബബിൾ ഒരുക്കുകയെന്നത് താരതമ്യേന എളുപ്പമായിരിക്കും എന്നാണ് ബിസിസിഐ കണക്കുകൂട്ടുന്നത്.
മുംബൈ, ബംഗളൂര്, ബറോഡ, കൊൽക്കത്ത, ഇൻഡോർ എന്നിവിടങ്ങളിലാവും മൽസരങ്ങൾ നടക്കുക. ചെന്നൈയിൽ ഇന്ത്യ- ഇംഗ്ളണ്ട് ടെസ്‌റ്റ് മൽസരം നടക്കുന്നതിനാൽ കേരളവും മൽസരങ്ങൾക്ക് വേദിയാകും. തിരുവനന്തപുരത്തോ വയനാട്ടിലോ ആയിരിക്കും വേദി. നോക്കൗട്ട് മൽസരങ്ങൾ മറ്റൊരു വേദിയിലാകും നടക്കുക.
സയ്യിദ് മുഷ്‌താഖ്‌ അലി ട്രോഫി നോക്കൗട്ട് മൽസരങ്ങൾ അഹമ്മദാബാദിലാണ് നടന്നത്. എന്നാൽ അവിടെ ഇന്ത്യ-ഇംഗ്ളണ്ട് പരമ്പര നടക്കുന്നത് കൊണ്ട് തന്നെ മറ്റൊരു വേദിയിലാകും മൽസരങ്ങൾ.
Read also: ‘പാക്കപ്പ് ഡേ’; ചിത്രീകരണം പൂർത്തിയാക്കി മമ്മൂട്ടിയുടെ ‘വൺ’
