ദുബായ്: പുരുഷ ഫ്രാഞ്ചൈസി ക്രിക്കറ്റ് ടീമിനെ പരിശീലിപ്പിക്കുന്ന ആദ്യ വനിതയെന്ന നേട്ടം സ്വന്തമാക്കി മുൻ ഇംഗ്ളണ്ട് വിക്കറ്റ് കീപ്പർ ബാറ്റർ സാറ ടെയ്‌ലർ. നവംബർ 19ന് ആരംഭിക്കുന്ന അബുദാബി ടി-10 ലീഗിൽ ടീം അബുദാബിയുടെ സഹപരിശീലകയായി നിയമിതയായ സാഹചര്യത്തിലാണ് സാറയ്‌ക്ക് ഈ അപൂർവ നേട്ടം സ്വന്തമായത്. നേരത്തെ ഇംഗ്ളണ്ടിലെ കൗണ്ടി ക്ളബ് സസെക്‌സിൽ വനിതാ സ്‌പെഷ്യലൈസ്‌ഡ് കോച്ചായിരുന്നു സാറ ടെയ്‌ലർ.
എക്കാലത്തെയും മികച്ച വനിതാ വിക്കറ്റ് കീപ്പർമാരിൽ ഒരാളായാണ് താരം അറിയപ്പെടുന്നത്. ടി-10 ലീഗിലെ തന്റെ പങ്കാളിത്തം ലോകമെമ്പാടുമുള്ള വനിതകൾക്ക് പ്രചോദനമാകുമെന്ന് കരുതുന്നതായി സാറ ഈ നേട്ടത്തോട് പ്രതികരിച്ചു. 10 ടെസ്‌റ്റുകളിലും, 126 ഏകദിനങ്ങളിലും, 90 ടി-20യിലും ഇംഗ്ളണ്ട് ദേശീയ ടീമിന് വേണ്ടി കാലത്തിറങ്ങിയ സാറ ഇംഗ്ളണ്ട് വനിതാ താരങ്ങളിൽ ഏറ്റവും പ്രതിഭാധനയെന്ന് കരുതപ്പെടുന്ന താരം കൂടിയാണ്.
Read Also: സ്‌കൂൾ തുറക്കൽ; വാക്‌സിൻ എടുക്കാത്ത അധ്യാപകർ വരേണ്ടതില്ലെന്ന് മന്ത്രി
