ശ്രീനഗർ: കശ്മീർ സർവകലാശാലയുടെ ആദ്യ വനിതാ വൈസ് ചാൻസലറായി ഹോം സയൻസ് വിഭാഗം പ്രൊഫ.നിലോഫർ ഖാനെ നിയമിച്ചു. ലഫ്റ്റനന്റ് ഗവർണർ മനോജ് സിൻഹയുടേതാണ് ഉത്തരവ്.
‘1969ലെ കശ്മീർ , ജമ്മു സർവകലാശാല നിയമത്തിന്റെ 12ആം വകുപ്പ് പ്രകാരം എന്നിൽ നിക്ഷിപ്തമായ അധികാരങ്ങൾ വിനിയോഗിച്ച്, കശ്മീർ സർവകലാശാലയിലെ ചാൻസലർ മനോജ് സിൻഹ, കശ്മീർ സർവകലാശാലയിലെ ഹോം സയൻസസ് വിഭാഗം പ്രൊഫസർ നിലോഫർ ഖാനെ ഇതിനാൽ നിയമിക്കുന്നു. കശ്മീർ സർവകലാശാലയുടെ വൈസ് ചാൻസലറായി മൂന്ന് വർഷത്തേക്കാണ് നിയമനം’; ലഫ്റ്റനന്റ് ഗവർണറുടെ സെക്രട്ടറിയേറ്റ് പുറത്തിറക്കിയ ഉത്തരവിൽ പറയുന്നു. നിബന്ധനകളും വ്യവസ്ഥകളും പ്രത്യേകം അറിയിക്കുമെന്നും അറിയിച്ചു.
2021 ഓഗസ്റ്റിൽ കാലാവധി പൂർത്തിയാക്കിയ പ്രൊഫ.തലത്ത് അഹമ്മദിന് പകരമാണ് നിലോഫറിനെ നിയമിച്ചത്. കശ്മീർ സർവകലാശാലയിൽ നിയമിക്കപ്പെടുന്ന ആദ്യ വനിതാ ചാൻസലർ കൂടിയാണ് നിലോഫർ ഖാൻ.
Most Read: വിമാനമിറങ്ങിയ ശേഷം കാണാതായ പ്രവാസി മരിച്ചു; ദേഹത്ത് മർദ്ദനമേറ്റതിന്റെ പാടുകൾ