ന്യൂഡെൽഹി: രാജ്യത്ത് കോവിഡ് വ്യാപനം രൂക്ഷമാകുന്നതിന്റെ പശ്ചാത്തലത്തിൽ ഐസിഎസ്ഇ പത്താം ക്ളാസ് ബോർഡ് പരീക്ഷ റദ്ദാക്കി. ഐഎസ്സിഇ പന്ത്രണ്ടാംതരം പരീക്ഷകൾ മാറ്റിവെച്ചിട്ടുണ്ട്.
വിദ്യാർഥികളുടെയും അധ്യാപകരുടെയും സുരക്ഷിതത്വത്തിനാണ് പ്രഥമ പരിഗണന നൽകുന്നതെന്ന് പരീക്ഷ റദ്ദാക്കിക്കൊണ്ട് പ്രിൻസിപ്പൽമാർക്ക് അയച്ച സർക്കുലറിൽ കൗൺസിൽ ഫോർ ദ ഇന്ത്യൻ സ്കൂൾ സർട്ടിഫിക്കറ്റ് എക്സാമിനേഷൻസ് വ്യക്തമാക്കി.
സിഐഎസ്സിഇ അഫിലിയേഷൻ ഉള്ള സ്കൂളുകളിൽ പതിനൊന്നാം ക്ളാസിലേക്കുള്ള പ്രവേശന നടപടികൾ ആരംഭിക്കാനും നിർദേശിച്ചിട്ടുണ്ട്. പതിനൊന്നാം ക്ളാസുകാർക്കുള്ള ഓൺലൈൻ ക്ളാസുകൾ എത്രയും വേഗത്തിൽ ആരംഭിക്കുന്നതിനായി ഒരു ഷെഡ്യൂൾ തയാറാക്കാനും നിർദേശിച്ചിട്ടുണ്ട്.
Read also: കോവിഡ് വ്യാപനം; ഹൈക്കോടതി നിർദേശം തള്ളി യോഗി സർക്കാർ